रिलायन्स लाइफ इन्स्योरेन्सको शेयरको माग बढे

१६ मंसिर, रौतहट । प्राथमिक बजारमा आईपीओ निष्काशनको शेयर बिक्री सकिएपछि रिलायन्स लाइफ इन्स्योरेन्सको शेयरको बजार घट्दापनि माग बढेको छ ।

सोमबार ६३३ रुपैयाँमा शेयर कारोबार बन्द भएको कम्पनीको शेयर मंगलबार कारोबारको डेढ घण्टा अवधिमा प्रतिकित्ता ३४ रुपैयाँ बढेर ६६७ रुपैयाँ पुगेको हो ।

सोमबारदेखि लगानीकर्ताहरु बैंकिङ्ग छाडेर लाइफ इन्स्योरेन्समा प्रवेश गरेसँगै नवप्रवेशी कम्पनी रिलायन्स लाइफको पनि माग देखिन थालेको हो ।

यस अवधिमा कम्पनीका १ लाख १२ हजार ६९२ कित्ता शेयर ७ करोड ४० लाख रुपैयाँमा खरीद बिक्री भएका छन् भने २४ हजार ८५ कित्ता बिक्रीका लागि बस्दा ५१ हजार ३२७ कित्ताको माग नेप्सेको मार्केट डेप्थमा देखिएको छ ।