रौतहटमा थप २७ जनामा कोरोना संक्रमण पुष्टि ।

असार २१, रौतहट ।

रौतहट जिल्लामा पछिलो २४ घण्टामा थप २७ जनामा कोरोना भाईरस (कोभिड १९) को संक्रमण पुष्टि भएको छ । यो संगै रौतहट जिल्लामा संक्रमितको संख्या १ हजार २ सय १९ भएको छ ।

जिल्लाका ११ हजार ४ सय २३ जनाको स्वाब परिक्षण गर्दा, १ हजार २ सय १९ जनामा कोरोना पुष्टि भएको हो । स्वाब संकलन गरिएका मध्ये ७ सय ६० जनाका रिपोर्ट आउन बांकी रहेको छ ।

हाल रौतहटको विभिन्न आईसोलेसनमा १३ महिला र १६७ जना पुरुष गरि १८० जना रहेका छन । कोरोना संक्रमण भएका मध्ये १ हजार ३९ जना कोरोनालाइ जितेर निको भइ घर फर्किसकेका छन । जिल्लाको क्वारेन्टीनमा ५५ महिला र ३९७ जना पुरुष गरि हाल ४ सय ५२ रहेको जिल्ला प्रशासन कार्यालय रौतहटले जनाएको छ ।