काठमाडौं उपत्यकामा ३२ जना सहित, थप ४७३ जनामा कोरोना सं‌क्रमण पुष्टि

असार १८, रौतहट । बितेको २४ घण्टामा नेपालमा थप ४ सय ७३ जनामा कोरोना भाइरस (कोभिड १९) का संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले बिहीबारको नियमित प्रेस ब्रिफिङमा दिएका जानेकारी अनुसार ललितपुरका २, भक्तपुरका २ र काठमाडौं २८ सहित ४७३ जनामा कोरोना संक्रमण पुष्टि भएको छ। जसमा १०९ महिला र ३६४ पुरुष रहेका छन् ।  योसँगै नेपालमा कोरोना भाइरस संक्रमितको कूल संख्या १४ हजार ५१९ पुगेको छ।