सुन तथा चाँदीको मूल्य बढ्यो

२३ असोज, रौतहट । नेपाली बजारमा शुक्रबार सुनचाँदीको मूल्य वृद्धि भएको छ ।

नेपाल सुनचाँदी व्यवसायी महासंघले दिएको जानकारी अनुसार बिहीबार तोलाको ९३ हजार ९ सय रुपैयाँमा कारोबार भएको छापावाल सुनको मूल्य शुक्रबार ९ सय रुपैंयाले बढेको छ । यो सँगै प्रतितोला छापावाल सुनको मूल्य ९४ हजार ८ सय रुपैयाँ पुगेको छ ।

त्यसैगरी तेजावी सुनको मूल्य पनि शुक्रबार ९ सय रुपैयाँले बढेर प्रतितोला ९४ हजार ३ सय रुपैयाँ पुगेको छ ।

यस्तै, प्रतितोला चाँदीको मूल्य पनि शुक्रबार १५ रुपैंयाले बढेर १ हजार १ सय ९५ रुपैयाँ पुगेको छ ।