बाजुरामा आएको बाढी २ जनाको मृत्यु, २ जना घाईते

भदौ ३, रौतहट । बाजुरामा आएको बाढी पहिरोमा परेर २ जनाको मृत्यु भएसंगै दुई जना घाईते भएका छन् ।
बाजुरा जिल्लाको खप्तड छेडेदह गाउँपालिका १ का मीन बहादुर बुढाकी ३ वर्षीय छोरी सुमीको पहिरोमा पुरिएर मृतयु भएको हो ।

त्यस्तै, उनकी ५ वर्षीया दिदी विनिता बुढा र ६५ वर्षीया हजुरआमा नन्दादेवी बुढा पनि घाइते भएको जिल्ला प्रहरी कार्यालय बाजुराले जनाएको छ ।

यस्तै बाजुरामै बढीगाढ र धुपे खोलामा आएको बाढीमा बगेर अएर्की एक महिलाको मृत्यु भएको छ । जिल्लाको बुढीनन्दा गाउँपालिका ६ की ७५ वर्षीया धिनु लुहारको मृत्यु भएको जिल्ला प्रहरी कार्यालय बाजुराका प्रमुख प्रहरी नायव उपरीक्षक टंकराज भट्टराईले जानकारी दिए ।

उनले बाजुराका धुपे, बडीगाढ खोलामा आएको बाढीले २० घर डुबानमा परेको जनाए । अहिले क्षतिको यकिन विवरण आउन भने बाँकी रहेको उनले बताएका हुन् ।