उपत्यकामा ११९ सहित, नेपालमा थप ५९४ जनामा कोरोना पुष्टि

साउन ३०, रौतहट । पछिल्लो २४ घण्टामा काठमाडौं उपत्यकामा ११९ सहित देशभर ५९४ जनामा कोरोना भाइरस संक्रमण पुष्टि भएको छ । शुक्रबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा. जागेश्वर गौतमले सो जानकारी दिएका हुन् ।

योसँगै नेपालमा हालसम्म कोरोना भाईरसबाट संक्रमितहरुको कुल संख्या २५ हजार ५५१ पुगेको छ ।

यस्तै, देशभर ७ हजार ९१३ सक्रिय संक्रमित रहेका छन् । पछिल्लो घण्टामा २४० जना संक्रमित निको भएका छन् भने हालसम्म संक्रमण निको हुनेको संख्या १७ हजार ७७ पुगेको छ । यस्तै आज ११ हजार ५७५ पीसीआर भएको छ ।

त्यस्तै, पछिल्लो २४ घण्टामा कोरोनाबाट थप ४ जनाको मृत्यु भएको छ, भने मृतकको कुल संख्या ९९ पुगेको छ ।