नेपालमा थप ६३८ जनामा कोरोना पुष्टि, १७१ जना डिस्चार्ज

साउन २७, रौतहट । पछिल्लो २४ घण्टामा नेपालमा थप ६ सय ३८ जनामा कोरोना भाईरसका संक्रमण पुष्टि भएको छ । यससंगै नेपालमा कुल कोरोना संक्रमितको संख्या २३ हजार ९ सय ४८ जना पुगेको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार १० हजार ५ सय ६२ जनाको पीसीआर परीक्ष्ँण गर्दा ६ सय ३८ जनामा कोरोना भाईरस (कोभिड १९)का संक्रमण पुष्टि भएको छ ।

साथै नेपालमा कोरोना संक्रमणका कारण थप ४ जनाको मृत्यु भएको छ । स्वास्थ्य मन्त्रालयका प्रवक्ता डा. जागेश्वर गौतमले दिएका जानेकारी अनुसार धनुषा, काभ्रे र सिन्धुपाल्चोकका गरी थप ४ जना कोरोना संक्रमितको मृत्यु भएको छ । योसँगै देशभर कोरोना संक्रमणबाट मृत्यु हुनेको कुल संख्या ८३ पुगेको छ ।

त्यस्तै मंगलबार १ सय ७१ जनाले कोरोना जितेर डिस्चार्ज भएका छन् ।