सुनको मूल्यमा सामान्य वृद्धि

६ असार, रौतहट । नेपाली बजारमा साताको दोस्रो दिन सुनचाँदीको मूल्य वृद्धि भएको छ ।

आइतबार तोलामा ३०० रुपैयाँले घटेको सुन भाउ सोमबार फेरि बढेको हो । नेपाल सुनचाँदी व्यवसायी महासंघका अनुसार आज छापावाल सुनको कारोबार तोलामा ९७ हजार ७ सय रुपैयाँमा भइरहेको छ ।

आइतबार छापावाला सुनको कारोबार प्रतितोलामा ९७ हजार ५ सय रुपैयाँमा भएको थियो ।

यस्तै, हिजो ९७ हजार रुपैयाँमा कारोबार भएको तेजावी सुनको मूल्य सोमबार ९७ हजार २०० रुपैयाँ कायम भएको छ ।

त्यसैगरी, आइतबार १ हजार २ सय ६५ रुपैयाँमा कारोबार भएको चाँदीको मूल्य आज पनि सोही भाउमा बिक्री भइरहेको महासंघले जनाएको छ ।