आईतबारदेखि भईरहेको अविरल वर्षाका कारण; कैलालीको भजनी फेरि डुबानमा

   २६ श्रावण २०७७, सोमबार १५:००  

साउन २६, रौतहट । बितेको केही दिनअघि नै बाढीको चपेटामा परेको कैलालीको भजनी नगरपालिकाका बस्ती सोमबार फेरी डुबानमा परेको छ । हिजो रातिदेखि भईरहेको अविरल वर्षाका कारण उर्लिएका मोहना, काढा र पथरैया नदीको पानि बस्तीमा पसेकाले कैलाली फेरी डुबानमा परेको हो ।
साउन १४ गतेको बाढीका कारण भजनी नगरपालिकाका करिब २ हजार परिवार विस्थापित भएका थिए । बाढीकै कारण भजनीमा करिब ७० प्रतिशत धानबाली नष्ट भएको जनाइएको छ ।

यस्तै, यसअघिको बाढीले डुबानमा परेकाहरू ३र४ दिन अघि मात्र घर फर्केका थिए । फेरि पुन डुबान भएपछि उनीहरू हुलाकी राजमार्गका अग्ला ठाउँमा आउन थालेका स्थानीय जयराज ढुंगानाले जानकारी दिए । उनका अनुसार भजनी नगरपालिका–८ सोनहाफाटा खल्ला टोलका ४०, काढाढिकका ५२ र कृष्णनगरका २५ परिवार विस्थापित भएका छन ।

भजनी नगरपालिकाका प्रमुख शेरबहादुर चौधरीले धनगढीबाट आउने मोहना, घोडाघोडीबाट आउने कन्द्रा र लम्कीचुहाबाट आउने पथरैया नदीलगायतको पानी भजनीमा आउने भएकाले यो ठाउँ बाढीबाट बढी प्रभावित भएको बताए । केही दिनअघिको बाढीमा ३ जनाले ज्यान गुमाएुका साथै ठूलो नोक्सानी भएको छ । आज पनि बाढी आएकाले उद्धारमा खटिएका भजनी नगरपालिकाका प्रमुख शेरबहादुर चौधरीले बताए ।

मौसम विज्ञान विभागले वर्षा अझै जारी रहने भएकाले तटीय क्षेत्रका नागरिकलाई सुरक्षित स्थानमा बस्न सूचना गरेको छ । विभागले कर्णाली चिसापानी, टीकापुर, भजनी क्षेत्रका साना तथा ठूला नदीमा पानीको बहाव बढ्न सक्ने जनाएको छ ।