एकै दिन सुनको मूल्य तोलामा १३ सय रूपैयाँले बढ्यो

२५ कात्तिक, रौतहट । नेपाली बजारमा बिहीबार सुनको मूल्यमा भारी वृद्धि भएको छ ।

नेपाल सुनचाँदी व्यवसायी महासंघका अनुसार आज एकै दिन तोलामा १३ सय रुपैयाँले बढेको हो । बुधबार ९२ हजार ७ सय रुपैयाँमा कारोबार भएको सुनको मूल्य आज ९४ हजार रूपैयाँमा कारोबार भइरहेको महासंघले जनाएको छ ।

यस्तै तेजावी सुनको भाउ प्रतितोला ९३ हजार ५ सय रुपैयाँ तोकिएको छ ।

महासंघका अनुसार चाँदी तोलामा २० रुपैयाँले बढेर प्रतितोला १ हजार २ सय ७० रुपैयाँ पुगेको छ ।