खोलामा डुब्दा एक युवकको मृत्यु

साउन १६, रौतहट । रौतहटको गौरमा पानीमा डुब्दा एक युवकको मृत्यु भएको छ ।

नेपाल भारत सिमाक्षेत्रको खोलामा डुब्दा गौर नगरपालिकाका वडा नम्बर २ महादेवपट्टिका १६ वर्षीय कुनाल भारतीको मृत्यु भएको हो । पौडी खेल्न खोलामा पसेका भारती गहिरो पानीमा परेका थिए ।

केही दिन देखीको निरन्तर वर्षाको कारण खोलाहरुमा जलस्तर बढेको छ । मृतकको शव पोष्टमार्टमाका लागी जिल्ला अस्पताल गौरमा ल्याइएको छ ।