भारतीय हास्य कलाकार राजु श्रीवास्तवको निधन

   ५ आश्विन २०७९, बुधबार ११:४४  

५ असोज, एजेन्सी । चर्चित भारतीय हास्य कलाकार राजु श्रीवास्तवको निधन भएको छ ।

हृदयघातका कारण अगस्ट १० (बुधबार) अस्पताल भर्ना भएका राजु श्रीवास्तवको उपचारकै क्रममा निधन भएको छ । हृदयघात भएको ४२ दिनसम्म कोमामै रहेको ५८ वर्षीय राजु श्रीवास्तवको निधन भएको छ ।

भारतको दिल्लीस्थित अल इन्डिया इन्स्टिच्यूट अफ मेडिकल साइन्सुमा उपचारकै क्रममा बुधबार श्रीवास्तवको निधन भएको भारतीय सञ्चारमाध्यमले जनाएका छन् ।

भारतीय संञ्चारमाध्यमका अनुसार बिहान व्यायाम गर्ने बेलामा उनलाई हृदयघात भएको थियो । हृदयघात भएलगत्तै उनलाई उपचारको लागि अस्पताल लगिएको थियो । एजेन्सी