श्रोत नखुलेको ११ लाख रुपैंया बरामद

रौतहट, ६  सावन ।

रौतहटको इशनाथ नगरपालिकाको मठिया बाट प्रहरीले श्रोत नखुलेको एघार लाख रुपैंया बरामद गरेको छ ।

इशनाथ नगरपालिका ४ स्थित प्रहरी चौकी मठिया अगाडी एक युवकका साथ बाट सो रकम बरामद भएको प्रहरीले जनाएको छ । नेपाल भारत सिमाना बाट मठिया महुलिया आउदै गरेको इशनाथ ४ का १९ वर्षिय पवन कुमार सिन्हाको साथ बाट श्रोत नखुलेको रकम बरामद भएको जिल्ला प्रहरी कार्यालय रौतहटले जनाएको छ ।

साइकलमा झोला झुण्डाएर आउदै गरेका सिन्हालाई चेकजाँच गर्दा बरामद भएको उक्त रकमको बारेमा थप अनुसन्धान भइरहेको प्रहरी उपरिक्षक रविराज खडकाले बताए । पछिल्लो समय रौतहटको पश्चिमी नाका हुदै नेपाल तर्फ ल्याइएको श्रोत नखुलेका लाखौं रकम पटक पटक प्रहरीले बरामद गरेको छ ।