सुनको मूल्य वृद्धि, चाँदीको भाउ स्थिर

५ बैशाख, रौतहट । नेपाली बजारमा साताको पहिलो दिन सुनको मूल्य वृद्धि भएको छ ।

नेपाल सुनचाँदी व्यवसायी महासंघका अनुसार शुक्रबार तोलामा ९० हजार ५ सय रुपैयाँमा कारोबार भएको छापावाल सुनको भाउ आइतबार बढेर तोलामा ९० हजार ७ सय रुपैयाँ कायम भएको हो ।

त्यस्तै, आइतबार तेजावी सुनको कारोबार प्रतितोलामा ९० हजार २ सय रुपैयाँमा भइरहेको छ ।

त्यसैगरी, सुनचाँदी व्यवसायी महासंघका अनुसार आज चाँदीको मूल्य स्थिर नै रहेको छ । यसअघि शुक्रबार चाँदीको मूल्य तोलामा १ हजार ३ सय रुपैयाँमा कायम भएको थियो ।