सुनचाँदीको मूल्यमा सामान्य वृद्धि

८ चैत, रौतहट । नेपाली बजारमा साताको पहिलो दिन आइतबार सुनचाँदीको मूल्य वृद्धि भएको छ ।

नेपाल सुनचाँदी व्यवसायी महासंघका अनुसार शुक्रबार प्रतितोला ८६ हजार ७ सय रुपैयाँमा कारोबार भएको छापावाल सुनको भाउ आज ८७ हजार २ सय रुपैयाँ तोकिएको छ ।

यस्तै, आजका लागि तेजावी सुनको मूल्य ८६ हजार ७ सय ५० रुपैयाँ कायम भएको महासंघले जनाएको छ ।

त्यसैगरी, चाँदीको भाउमा पनि आज सामान्य वृद्धि भएको महासंघले जनाएको छ । आइतबार चाँदीको मूल्य ५ रुपैयाँ बढेर प्रतितोलामा १ हजार २ सय ८० रुपैयाँ निर्धारण गरिएको छ ।

यसअघि शुक्रबार चाँदीको कारोबार १ हजार २ सय ७५ रुपैयाँमा भएको थियो ।