मेयर कपको उपाधि वडा तिनलाई

१ चैत्र, रौतहट । रौतहटको गौरमा भएको मेयर कप च्याम्पियनसिप-२०७७ को उपाधि वडा नं. ३ ले जितेको छ । आज भएको खेलमा वडा नं. ३का टिमले वडा ५ का टिमलाई ४२ रनले हराएका छन् ।

गौरको राइसमिल मैदानमा भएको खेलमा टस जितेर पहिलो ब्याटिंग गरेको वडा तिनका टिमले निर्धारित २० ओभरको खेलमा सबै विकेट गुमाउदै १४९ रनको योगफल तयार पारेको थियो ।

१५० रनको लक्ष्य लिएर जवाफी ब्याटिङमा उत्रिएको वडा पाचँका दुई ओपनर ब्याट्सम्यान सुजल श्रेष्ठले १ रन र बिजेन्द्र लाल दास शुन्य रन बनाउदै विकेट गुमाएका थिए । पाँचका टिमले निर्धारित १८.२ ओभरमा १०७ रन बनाउदै सबै विकेट गुमाएका थिए ।

यस प्रतियोगिताको उदघाटन गौर नगरपालिकाका मेयर अजय कुमार गुप्ता र उप मेयर किरण ठाकुरले गरेका थिए ।

प्रतियोगिता गौर नगरपालिकाका सबै वडाका टिम बीच खेलिने गरिन्छ । गौर न.पा. वडा १ देखि ९ गरि कुल ९ टिम सहभागी रहेका थिए । नगरपालिकाले हरेक वर्ष यो खेल सबै टिमहरुलाई समहभागी गराएर प्रतियोगिता आयोजना गर्ने गर्दछ ।