उदयपुरमा आगलागी हुँदा लाखौँको क्षति

२७ फागुन, रौतहट । उदयपुरको ताप्लिमा आगलागी हुँदा लाखौँको क्षति भएको छ ।

सोलार प्यानल सर्ट भइ भएको आगलागीमा फुसको छानो भएको दुईतले घर, ३ वटा मतान, गाई गोठ घर भित्र रहेका लत्ताकपडा जलेको प्रहरीले जनाएको छ ।

आगलागीबाट पञ्चे सार्कीको घर समेत जलेर नष्ट भएको छ । यस्तै, सुन चाँदीका गरगहना र नगद ५० हजार जलेर नष्ट भएको उदयपुर प्रहरीले जनाएको छ । आगो नियन्त्रणमा लिन नसक्दा खोरमा रहेका चौपायासमेत जलेको प्रहरीले जानकारी दिएको छ ।

आगलागीको खबर प्राप्त हुनसाथै रुपाटारबाट गएको प्रहरी टोली र स्थानीयको सहयोगमा करिब २ घण्टा पछि आगलागी नियन्त्रणमा आएको थियो ।

आगलागीमा २० लाख रुपैयाँ भन्दा बढीको क्षति भएको प्रहरीले जनाएको छ ।