त्रिभुवन विमानस्थलबाट अवैध रुपमा ल्याएको सुनसहित एक जना पक्राउ

१८ फागुन, रौतहट । त्रिभुवन अन्तर्राष्ट्रिय विमानस्थलबाट अवैध रुपमा ल्याएको सुनसहित एक जनालाई प्रहरीले पक्राउ गरेको छ ।

पक्राउ पर्नेममा स्याङजा चापाकोट नगरपालिका ६ बस्ने ४२ वर्षीय नगेन्द्र कुमार राना रहेका प्रहरीले जनाएको छ । प्रहरीका अनुसार रानालाई सोमबार राति नै नियन्त्रणमा लिएको हो ।

हिमालय एयरलाईन्सको बिमानबाट साउदीको रियादबाट आगमन भएका रानालाई जाँच गर्दा रानाको साथबाट ३ थान बाला र २ थान औंठी सहित १ सय ६० ग्राम सुन जस्तो देखिने पहेंलो धातु बरामद भएको प्रहरीले जनाएको छ ।

अवैध रुपमा ल्याएको उक्त परिमाणको धातु सहित उनलाई विमानस्थल पार्किङ एरियाबाट फेला पारी पक्राउ गरेको प्रहरीले जनाएको छ ।

अवैध सुनसहित पक्राउ परेका रानालाई हिरासदमा राखी यसबारे थप अनुसन्धान भइरहेको प्रहरीले जनाएको छ ।