सुनको मूल्यमा २ सय गिरावट, चाँदीको भाउ आज पनि स्थिर

१२ माघ, रौतहट । नेपाली बजारमा सोमबार सुनको भाउमा सामान्य गिरावट भएको छ, भने चाँदीको मूल्य स्थिर नै रहेको छ ।

नेपाल सुनचाँदी व्यवसायी महासंघका अनुसार आइतबार प्रतितोलामा ९२ हजार ६ सय रुपैयाँमा कारोबार भएको छापावाल सुनको मूल्य आज ९२ हजार ४ सय रुपैयाँ कायम भएको हो ।

यस्तै, आज तेजावी सुनको कारोबार प्रतितोलामा ९१ हजार ९ सय रुपैयाँमा भइरहेको महासंघले जनाएको छ ।

सुनको भाउमा सामान्य गिरावट आएपनि आज चाँदीको मूल्य स्थिर नै रहेको छ ।

गत ३ दिनयता चाँदीको मूल्य तोलामा १ हजा २ सय ६० रुपैयाँमा कारोबार भइरहेको छ ।