कठ्यांग्रिदो चिसोले रौतहटमा दुई वृद्धको मृत्यु

२७ पुस, रौतहट । कठ्यांग्रिदो चिसोले गर्दा रौतहटको छुट्टाछुछै स्थानमा दुई जना वृद्धको मृत्यु भएको छ ।

जिल्लाको कटहरिया नगरपालिका वडा नम्बर १ भसेढवा टोलबस्ने ९० वर्षीय धेनुक साह कानुको चिसोले गर्दा ज्यान गएको छ ।

मंगलवार राति घरैमा सुतेकै अवस्थामा उनको कठ्रिएर मृत्यु भएको हो ।

त्यसैगरी, रौतहटको यमुनामाइ गाउँपालिका वडा नम्बर ५ झुनखुनवामा एक ७० वर्षीय वृद्धको मृत्यु भएको छ । कठ्यांग्रिदो चिसोले गर्दा लालमहम्द मियाँ कवारीको मृत्यु भएको थियो ।

विगतका केही दिन देखि कठ्यांग्रिदो चिसोले गर्दा अतिविपन्न, दलित, मजदुर, किसानहरु प्रभावित बनेका छन् ।

मजदुरी नगरे छाक टार्न समेत गाह्रो भएका अतिविपन्न, दलित, मजदुर, किसानहरुको चिसोले गर्दा जनजीवन कष्टकर बन्दैँ गएको छ ।