प्रधानमन्त्री देउवा प्रचण्डबीच बालुवाटारमा छलफल जारी

१९ भदौँ, रौतहट । सरकारी निवास बालुवाटारमा प्रधानमन्त्री तथा नेपाली कांग्रेसका सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डबीच छलफल भएको छ ।

नेकपा माओवादीका अध्यक्ष आइतबार बिहान ९ बजे बालुवाटार पुगेको स्रोतले जनाएको छ । हाल प्रधानमन्त्री देउवा र अध्यक्ष प्रचण्डबीच छलफल जारी नै रहेको छ ।

यस्तै, स्रोतका अनुसार आज अपरान्ह ३ बजे सिट बाँडफाँटबारे कार्यदलमा शीर्ष नेताहरूको बैठक बोलाइएको छ । शीर्ष नेताहरुको बैठक बोलाउनु अघि बालुवाटारमा देउवा र प्रचण्डबीच छलफल भएको छ ।