ट्रक पल्टिदा चार घाइते, एकको अवस्था गम्भीर

२३ मंसिर, रौतहट । कैलालीमा मंगलबार बिहान ट्रक पल्टिदा चार जना घाईते भएका छन् ।

ट्रक पल्टिदा डडेल्धुराको परशुराम नगरपालिका–४ का १८ वर्षीय दशरथ सिलाल, सोही ठाउँका ट्रक चालक २९ वर्षीय दानबहादुर कामी, २० वर्षीय करन कामी र ३८ वर्षीय नरेन्द्र बोहरा घाइते भएको सुदूरपश्चिम प्रदेश ट्राफिक प्रहरी कार्यालय अत्तरियाले जानकारी दिएको हो ।

से ७ ख १२९ नम्बरको ट्रक डडेल्धुराको जोगबुढाबाट अत्तरियातर्फ आउँने क्रममा जिल्लाको चुरे गाउँपालिका–६, डुम्रेनीमा पल्टिदा चार जना घाइते भएको प्रहरीले जनाएको छ ।

दुर्घटनामा सिलालको अवस्था गम्भीर रहेको प्रहरीले जनाए ।

घाइतेहरुलाई उपचारका लागि अत्तरियास्थित पद्मा अस्पताल ल्याइएको प्रहरीले जनाएको छ ।