नेपालमा थप १३४३ जनामा कोरोना संक्रमण पुष्टि, २१११ जना संक्रमणमुक्त

१८ मंसिर, रौतहट । नेपालमा पछिल्लो २४ घण्टामा थप १ हजार ३ सय ४३ जनामा कोरोना भाइरस (कोभिड १९)का संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार बितेको २४ घण्टामा ९ हजार २ सय ८९ जनाको पीसीआर परीक्षण गर्दा १ हजार ३ सय ४३ जनाको कोरोना रिपोर्ट पोजेटिभ आएको हो ।

यससंगै हालसम्म देशभर कोरोना संक्रमितको कुल संख्या २ लाख ३७ हजार ५ सय ८९ पुगेको छ । जसमध्ये हाल नेपालमा संक्रिय कोरोना संक्रमितको कुल संख्या १५ हजार ७ सय ६६ रहेको मन्त्रालयले जानकारी दिए ।

यस्तै, विगत २४ घण्टामा थप २ हजार १ सय ११ जनाले कोरोना संक्रमण जितेर डिस्चार्ज भएका छन्, भने योसंगै हालसम्म देशभर कोरोना संक्रमणमुक्त हुनेहरुको कुल संख्या २ लाख २० हजार २ सय ७२ पुगेको छ ।

यसैबीच कोरोना संक्रमणका कारण थप १३ जनाको मृत्यु भएको छ, भने हालसम्म नेपालमा कोरोना संक्रमणबाट ज्यान गुमाउनेहरुको कुल संख्या १ हजार ५ सय ५१ पुगेको छ ।