चन्द्रपुरमा ट्रकको ठक्करबाट एक ६५ वर्षीया महिलाको मृत्यु

१५ मंसिर, रौतहट । रौतहट जिल्लाको बस्न्तपुरमा ट्रकको ठक्करबाट एक महिलाको घटनास्थलमै मृत्यु भएको छ ।

सोमबार बिहान ना ३ ख ५७२२ नम्बरको ट्रक जिल्लाको चन्द्रनिगाहपुरबाट गौर जाने क्रममा ठक्कर दिदाँ ६५ वर्षीया महिलाको घटनास्थलमै मृत्यु भएको हो ।

दुर्घटनामा परी मृत्यु हुनेमा चन्द्रपुर नगरपालिका वडा नं ८ मोतीपुरकी ६५ वर्षीया देवकी आचार्य रहेकी रौतहट प्रहरी प्रमुख एसपी सिद्धीबिक्रम शाहले जानकारी दिए ।

ठक्कर दिने चालक र ट्रक ईलाका प्रहरी कार्यालय चन्द्रनिगाहपुरको नियन्त्रणमा रहेको एसपी शाहले बताए ।

घटनाबारे आवश्यक अनुसन्धान भैरहेको ईलाका प्रहरी कार्यालय चन्द्रनिगाहपुरले जनाएको छ ।