कञ्चनपुरमा आफ्नै घरको छतबाट खसेर एक ५० वर्षीय पुरुषको मृत्यु

१४ मंसिर, रौतहट । कञ्चनपुरमा आफ्नै घरको छतबाट खसेर एक जनाको मृत्यु भएको छ ।

शनिबार राति कञ्चनपुरको कृष्णपुर नगरपालिका ५ गुलरियामा आफ्नै घरको छतबाट खसेर ५० वर्षीय गणेश राज ओझाको मृत्यु भएको हो ।

छतबाट खसेर गम्भीर घाइते भएका ओझाको कैलालीको धनगढीस्थित माया मेट्रो अस्पतालमा उपचारका क्रममा मृत्यु भएको जिल्ला प्रहरी कार्यालय कञ्चनपुरका डीएसपी अमरबहादुर थापाले जानकारी दिए ।

घटनाबारे थप अनुसन्धान भैरहेको प्रहरीले बताए ।