दाङमा गोली लागेर घाइते भएका अवस्थामा एक जना फेला

११ मंसिर, रौतहट । दाङमा गोली लागेको अस्थामा एक जना फेला परेका छ ।

बुधवार राति तुलसीपुर उपनगरपालिका वडा नम्वर १३ बराहाखुटीका ४४ वर्षीय खुसलराम पौडेल गोली लागेर घाइते अबस्थामा फेला पारेको जिल्ला प्रहरी कार्यालय दाङका एसपी गणेश चन्दले जानकारी दिए

शरिरमा गोली लागेको पौडेलको उपचार भइरहेकाले धेरै अनुसन्धान हुन पाएको छैन । थप अनुसन्धान भइरहेको एसपी चन्दले बताए । पौडेल राति पूर्वपश्चिम राजमार्गमा पर्ने दाङको लमही नगरपालिकाको च्याउ खोलामा घाइते अवस्थामा फेला परेका थिए । उनलाई उपचारको लागि नेपालगञ्ज लगिएको थियो ।

तर,  त्यहाँ उपचार नभएपछि भारतको लखनउ लगिएको एसपी चन्दले बताए । पौडेलको शरिरमा पाँच वटा गोली लागेको प्रहरीले जानकारी दिएको छ ।

जिल्ला प्रहरी कार्यालय दाङले घटनाको अनुसन्धान गर्न डिएसपीको कमाण्डमा टोली बनाइसकेको छ ।