वीरगञ्जबाट लागूऔषधसहित दुई जना पक्राउ

२५ कार्तिक, रौतहट । वीरगञ्जबाट लागूऔषध इन्जेक्सन १८ सय एम्पुलसहित दुई जनालाई प्रहरीले पक्राउ गरेको छ । पक्राउ पर्नेमा बारा कलैया उपमहानगरपालिका ९ रामपुर निवासी २० वर्षीय रोशन साह (कलवार) र २९ वर्षीय चन्द्रप्रसाद कुशवाहा हुन् ।

सोमबार दिउँसो २ बजे सिर्सियामा रोशन साथीलाई क्रेर बसिरहेका विषेश सुचनाका आधारमा जिल्ला प्रहरी कार्यालय पर्साबाट प्रहरी टोली पुगि चेकजाँच गर्ने क्रममा रोशनको हातमा रहेको व्याग खानतलासी गर्दा उक्त परिमणको अवैध लागूऔषध फेला परेको पर्साका प्रहरी प्रवक्ता एवं प्रहरी नायब उपरीक्षक मनोजीत कुँवरले जानकारी दिए ।

उनीहरुको साथबाट लागूऔषध इन्जेक्सन फेनारगन, डाइजेपाम र नुर्फिन १८ सय एम्पुल बरामद भएको जिल्ला प्रहरी कार्यालय पर्साले जनाएको छ ।

रोशनले नै दिएको सूचनाको आधारमा साँझ ७ बजे कलैयास्थित बालमन्दिर अगाडिको सडक खण्डबाट ना.२० प ६४२८ नम्बरको मोटरसाइकलमा सवार चन्दन पक्राउ परेका थिए ।

उनीहरुलाई जिल्ला प्रहरी कार्यालय पर्सामा राखी लागूऔषध नियन्त्रण ऐन २०३३ बमोजिम लागूऔषध सम्बन्धी कसुर मुद्दा दर्ता गरी थप अनुसन्धान कार्य भइरहेको प्रहरीले जनाएको छ ।