कैलालीमा कुटपिट गरी २२ वर्षीय युवकको हत्या, तीन पक्राउ
१४ कार्तिक, रौतहट । कैलालीमा कुटपिट गरी एक युवकको हत्या गरिएको छ, भने हत्यामा संलगन तीन जना प्रक्राउ परेका छन् ।
कैलाली जानकी गाउँपालिका ५ मा बिहीबार राति युवाहरुको आक्रमणमा परी लम्कीचुहा नगरपालिका ३ निवासी २२ वर्षीय भरत तिमल्सिनाको हत्या भएको प्रहरीले जनाएको छ ।
राति साढे १० बजेको समयमा जानकी–५ मा युवा समूहको आक्रमणमा परी गम्भीर घाइते भएका तिमल्सिनालाई उपचारका लागि नेपालगञ्ज लगिएकोमा अस्पताल पुर्याउने बित्तिकै चिकित्सकले मृत घोषणा गरेका इलाका प्रहरी कार्यालय टीकापुरका प्रमुख, प्रहरी नायब उपरीक्षक मधुसुदन न्यौपानेले बताए ।
तिमल्सिनाको हत्या गरेको आरोपमा तीन जनालाई प्रहरीले पक्राउ गरेको छ । प्रहरी नायब उपरीक्षक न्यौपानेले अनुसन्धानका लागि स्थानीय मानबहादुर चैधरी, केशव टमटा र समर चौधरीलाई पक्राउ गरिएको जानकारी दिए ।
घटना भएको ठाउँ जानकी गाउँपालिका र लम्कीचुहा नगरपालिकाको सीमानामा पर्दछ ।
