नेपालमा थप ३ हजार ९३ जनामा कोरोना संक्रमण पुष्टि

४ कार्तिक, रौतहट । नेपालमा पछिल्लो २४ घण्टामा थप ३ हजार ९३ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले मंगलबारको नियमित प्रेस ब्रिफिङमा दिएका जानकारी अनुसार बितेको २४ घण्टामा १३ हजार ८ सय ६१ जनाको पीसीआर परीक्षण गर्दा ३ हजार ९३ जनाको कोरोना रिपोर्ट पोजेटिभ आएको हो । योसंगै हालसम्म देशभर कोरोना संक्रमितको कुल संख्या १ दा ३९ हजार १ सय २९ पुगेको मन्त्रालयले जनाएको छ ।

यस्तै हाल नेपालमा संक्रिय कोरोना संक्रमितको कुल संख्या ४१ हजार ७ सय ५५ रहेको छ ।

त्यसैगरी पछिल्लो २४ घण्टामा थप २ हजार १ सय ८ जनाले कोरोना संक्रमण जितेर डिस्चार्ज भएको छन्, भने हालसम्म नेपालमा कोरोनामुक्त हुनेको कुल संख्या ९६ हजार ६ सय ९ पुगेको मन्त्रालयले जनाएको छ ।

यसैबीच कोरोना संक्रमणका कारण थप ८ जनाको मृत्यु भएको छ, भने हालसम्म कोरोना संक्रमणबाट ज्यान गुमाउनेको कुल संख्या ७ सय ६५ पुगेको डा. गौतमले बताए ।

त्यसैगरी बितेको २४ घण्टामा काठमाडौँ उपत्याकामा १ हजार ७ सय २ जनामा कोरोना संक्रमण पुष्टि भएको छ ।

काठमाडौँमा १ हजार ४ सय ३१जना, ललितपुरमा १ सय २३ जना र भक्तपुरमा १ सय ४८ जना संक्रमित थपिएका छन् ।