आइतबार राति सिरहाबाट एक क्विन्टल गाँजासहित दुई जना पक्राउ

३ कार्तिक, रौतहट । आइतबार राति चेकजाँच गर्ने क्रममा एक क्विन्टल लागूऔषध गाँजासहित सिरहा प्रहरीले दुई जनालाई पक्राउ गरेको छ।

पक्राउ पर्नेमा ट्याक्टर चालक मिर्चैया नगरपालिका १ का १९ वर्षीय सुन्दर कापर र सोही स्थानका सह चालक २६ वर्षीय जितेन्द्र महातो रहेका जिल्ला प्रहरी कार्यालय, सिरहाले जनाएको छ ।

ना. ५ त. १४ नम्बरको ट्याक्टर मिर्चेया नगरपालिका १ मनहर्वास्थित भित्री सडकखण्डमा उत्तरबाट दक्षिणतर्फ जाँदै गरेको समयमा आइतबार राति चेकजाँच गर्ने क्रममा सो परिमाणको गाँजा बरामद भएको प्रहरी जानकारी दिए । ५ पोका ठूलो र २ पोका सानो प्लाष्टिकको बोरामा राखिएको उक्त गाँजा फेला प्रहरीले बताए ।

लागूऔषध गाँजासहित पक्राउ परेकाको सम्बन्धमा थप अनुसन्धान भइरहेको प्रहरीले जनाएको छ ।