ठोरीबाट एक नाल भरुवा बन्दुकसहित चार जना पक्राउ

२९ असोज, रौतहट । पर्साबाट एक नाल भरुवा बन्दुकसहित चारलाई प्रहरीले पक्राउ गरिएको छ ।

पर्सा जिल्लाको ठोरी गाउँपालिका ४ निवासी २५ वर्षीय अमन लामा, ३२ वर्षीय बाबुराम लामा, ३४ वर्षीय कुमार लामा र ३५ वर्षीय सुनबहादुर लामालाई प्रहरीले नियन्त्रणमा दिएको हो ।

बुधबार राति लागूऔषध गाँजा लिएर आउँदैछन्, भन्ने विशेष सुचनाको आधारमा खटिएको प्रहरी टोलीले औराही खोलाको बगर क्षेत्रबाट उनीहरुलाई प्रक्राउ गरिएको इलाका प्रहरी कार्यालय ठोरीका प्रहरी निरीक्षक अशोक साहले जानकारी दिए ।

उनीहरुको साथबाट १ नाल भरुवा बन्दुक, ४ राउण्ड गोली, १ सय ग्राम बारुद र १ थान खुकुरी बरामद भएको साहले बताए ।

साहका अनुसार प्रहरीको टोलीलाई देखेपछि उनीहरुले एक राउण्ड फायर गर्दै भाग्न खोजेपछि त्यसको जवाफमा प्रहरीले पनि दुई राउण्ड हवाई फायर गरेर नियन्त्रणमा लिन सफल भएको छन् ।

पक्राउ परेका चारै जनालाई आवश्यक अनुसन्धानका लागि जिल्ला प्रहरी कार्यालय पर्सा पठाइएको उनले बताए ।