बाराबाट १४७ किलो गाँजासहित ट्रक पक्राउ

२१ असोज,  रौतहट । बाराबाट १४७ किलो गाँजासहित प्रहरीले ट्रकलाई नियन्त्रणमा लिएको छ ।

ना ७ ख ९५५४ नम्बरको ट्रक उत्तरबाट दक्षिण वीरगञ्जतर्फ आउँदै गरेको ट्रकबाट १४७ किलो गाँजा बरामद भएको हो ।

इलाका प्रहरी कार्यालय जीतपुरले कार्यालय अगाडि चेकजाँच गरिरहेको क्रममा ३ वटा ट्रकको पछाडि रहेको ट्रकबाट ७ वटा पोकामा १४७ किलो गाँजा बरामद भएको जिल्ला प्रहरी कार्यालय बाराले जानकारी दिए । ट्रकमा सम्बन्धित मानिस फेला नपरेपछि चेबजाँच गर्दा गाँजा फेला परेको जिल्ला प्रहरी कार्यालय बाराका प्रवक्ता प्रहरी नायब उपरीक्षक गौतम मिश्रले बताए ।

गाँजा कसले कहाँबाट ल्याएको र कहाँ लैजान लागिएको बारे केही खुल्न नसकेको प्रहरीले जनाएको छ । प्रहरीले ट्रक धनी र चालकको खोजी गरिरहेको छ ।

गाँजासहितको ट्रकलाई जिल्ला प्रहरी कार्यालय बारामा राखिएको मिश्रले बताए ।