छुट्टाछुटै घटनामा परी तीन जनाको मृत्यु

१८ असोज, रौतहट । छुट्टाछुटै घटना हुदाँ तीन जनाको मृत्यु भएको छ ।

आज मकवानपुरको भीमफेदीमा जिप दुर्घटना हुदाँ दुई जनाको मृत्यु भएको छ, भने ६ जना घाइते भएका छन् । दुर्घटनामा परी दुई पुरुषको घटनास्थलमै मृत्यु भएका दुवै जनाको पहिचान हुन् नसकेको प्रहरीले जानकारी दिए

आइतबार हेटौँडाबाट काठमाडौँ जाँदै गरेको ना १ ज ४१०६ नम्बरको जिप भीमफेदी गाउँपालिका ६ स्थित उकालोमा टर्निङ नपुगेर व्याक गर्ने क्रममा सडकबाट करिब एक सय मिटर तल खसेको प्रहरी नायक उपरीक्षक इन्द्रबहादुर रानाले जानकारी दिए ।

दुर्घटनामा घाइते भएका ६ जनाको प्राथमिक स्वास्थ्य चौकी भीमफेदीमा उपचार भैरहेको प्रहरीले जनाएको छ ।

त्यसैगरी, चितवनको माडी नगरपालिका ६ वसन्तपुरस्थित खेतमा बिच्छाइएको बिजुलीको तारमा परेर ६० वर्षीय सुकदेव महतोको मृत्यु भएको छ ।

धानखेतमा निकुञ्जको जनावर धपाउन छाडिएको करेन्टमा शनिबार राति उनी परेको हुनसक्ने प्रहरीको प्रारम्भिक अनुमान छ ।

महतोको शव पोस्टमार्टमका लागि भरतपुर पठाइएको इलाका प्रहरी कार्यालय माडी बसन्तपुरले जनाएको छ ।