बारा र धनुषामा सवारी दुर्घटना हुदाँ दुई जनाको मृत्यु
१४ असोज, रौतहट । छुट्टाछुट्टै सवारी दुर्घटनामा परी दुई जनाको मृत्यु भएको छ ।
बाराको जितपुरसिमरा उपमहानगरपालिका १ स्थित सडकमा ना.६ त ८२८३ नम्बरको ट्याक्टरले मंगलबार राति ना.६२ प ८३८ नम्बरको स्कुटरलाई ठक्कर दिदाँ स्कुटर चालकको मृत्यु भएको हो । दुर्घटनामा परि मृत्यु भएका अन्दाजिय २२ वर्षीय पुरुषका परिचय खुलेका छैनन्।
ट्याक्टरको ठक्करबाट गम्भीर घाइते भएका उनले सिमरास्थित अल्पाइन अस्पतालमा उपचारको क्रममा मृत्यु भएको प्रहरीले जनाएको छ। ट्याक्टर र चालकलाई नियन्त्रणमा लिएर प्रहरीले घटनाबारे अनुसन्धान गरिरहेको प्रहरीले बताए ।
त्यसैगरी, धनुषाधाम नगरपालिका ७ किशनपुर बस्ने ३५ वर्षीय प्रमोद सहनीको सवारी दुर्घटना हुदाँ मृत्यु भएको हो ।
मंगलबार राति गणेशमान चारनाथ नगरपालिका १ छवघरीयामा ज.१ त ७९५१ नम्बरको ट्याक्टरमा सहनी सवार ज.५ प २६४२ नम्बरको मोटरसाइकल ठोक्किन पुगेको थियो ।
दुर्घटनामा गम्भीर घाइते भएका उनको फुलकुमारी मेमोरियल अस्पताल कर्जनाहामा उपचारको क्रममा मृत्यु भएको हो । फरार ट्याक्टर चालकको प्रहरीले खोजी गरिरहेको प्रहरीले जनाएका छन् ।
