रौतहटमा बाघको आक्रमणबाट भण्डारीको मृत्यु, २ घाइते

१४ असोज, रौतहट । रौतहटमा बाघको आक्रमण बाट एक युवकको मृत्यु भएको छ । चन्द्रपुर नगरपालिका वडा नं. ६ का २७ वर्षीय संगम भण्डारीको बाघको आक्रमणबाट मृत्यु भएको हो ।

चन्द्रपुर ६ मा रहेको रंगपुर साझेदारी वनमा मंगलवार घास लिन गएका भण्डारीको कम्मर भन्दा तलको भाग बाघले खाएको अवस्थामा शव जंगलमा फेला परेको ईलाका प्रहरी कार्यालय चन्द्रनिगाहपुरका डीएसपी हेमबहादुर शाहीले बताए ।

बिहान घाँस लिन गएका भण्डारी साँझ सम्म पनि नफर्किए पछि उनलाई खोज्न गएका मध्ये दुई युवकलाई बाघले आक्रणण गरि घाइते बनाएको थियो । बाघले आक्रमण गर्दा वडा नं. ६ का ३० वर्षिय अशोक थापा र ३४ वर्षिय प्रबिण श्रेष्ठ घाईते भएको र उनीहरुको चन्द्रपुर अस्पतालमा उपचार भइरहेको ईलाका प्रहरी कार्यालय चन्द्रनिगाहपुरका डिएसपी हेम बहादुर शाहीले बताए ।