तोलामा कति बढ्यो सुनचाँदीको मूल्य

१३ असोज, रौतहट । नेपाली बजारमा आज सुनको भाउ बढेको छ ।

नेपाल सुनचाँदी व्यवसायी महासंघका अनुसार सोमबार छापावाल सुन प्रतितोला ९३ हजार ३ सय रुपैयाँमा कारोबार भएको थियो, भने मंगलबार बढेर ९४ हजार २ सय रुपैयाँमा कारोबार भएको हो ।

यस्तै, आज तेजावी सुन पनि तोलामा ९३ हजार ७ सय रुपैयाँमा कारोबार भएको छ ।

त्यसैगरी चाँदीको भाउ पनि बढेर प्रतितोला १ हजार १ सय ७५ रुपैयाँमा कारोबार भएको छ । सोमबार चाँदीको मूल्य तोलामा १ हजार १ सय ५० रुपैयाँमा कारोबार भएको थियो ।