नेपालमा थप १३५१ जनामा कोरोना पुष्टि,

१२ असोज, रौतहट । नेपालमा पछिल्लो २४ घण्टामा थप १ हजार ३ सय ५१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले सोमबारको नियमित प्रेस  ब्रिफिङमा दिएका जानकारी अनुसार १० हजार ९ सय २९ जनाको पीसीआर परीक्षण गर्दा १ हजार ३ सय ५१ जनाको कोरोना रिपोर्ट पोजेटिभ आएको हो । योसंगै देशभर कोरोना संक्रमितको कुल संख्या ७४ हजार ७ सय ४५ पुगेको छ ।

यस्तै, हालसम्म नेपालमा संक्रिय संक्रमितको संख्या १९ हजार ६ सय ४० रहेको छ । आज देशभर ८ हजार संस्थागत आइसोलेशन र १० हजार ९ सय २९ जना होम आइसोलेशनमा रहेका छन् ।

त्यसैगरी बितेको २४ घण्टामा थप ७ सय ४२ जनाले कोरोना जितेर डिस्चार्ज भएका छन्, भने यससंगै हालसम्म कोरोनामुक्त हुनेको कुल संख्या ५४ हजार ६ सय ४० पुगेके छ ।

यसैबीच कोरोना संक्रमणका कारण थप ४ जनाको मृत्यु भएको छ । कोरोना संक्रमणबाट मृत्यु हुनेको संख्या हालसम्म ४ सय ८१ पुगेको मन्त्रालयले जनाएको छ ।

त्यस्तै, पछिल्लो २४ घण्टामा काठमाडौँ उपत्यकामा ८ सय १७ जना कोरोना संक्रमित थपिएका छन् ।

मन्त्रालयका अनुसार काठमाडौँमा ६ सय ४९, ललितपुरमा १ सय ३२ र भक्तपुरमा ३६ जना गरी कुल ८१७ जनामा कोरोना भाइरस

(कोभिड १९)का संक्रमण पुष्टि भएको छ ।