मन्त्रिपरिषद् पुनर्गठनको तयारी
द नेपाल मिडिया
११ आश्विन २०७७, आईतवार १३:२४
११ असोज, काठमाडौं । प्रधानमन्त्री केपी शर्मा ओली र नेकपा अध्यक्ष पुष्पकमल दाहाल प्रचण्डबीचको छलफल सकिएको छ । उनीहरूबीच मन्त्रिपरिषद् पुनर्गठनकै विषयमा छलफल केन्द्रित रहेको ओली निकट स्रोतले जानकारी दियो ।
बालुवाटारनिकट स्रोतले मन्त्रिपरिषद्मा अब ल्याउने सदस्य अधिकांश नयाँ अनुहार हुने जानकारी दियो । “पटकपटक लाभ पाएकालाई भन्दा नयाँ र दुई-तीनपटक सांसद भएर पनि मन्त्री बन्न नपाएकालाई नै प्राथमिकता दिइने छ,” उनले भने ।
पूर्वएमाले घटकमा नयाँ अनुहारलाई प्राथमिकता दिए पनि पूर्वमाओवादीबाट भने दोहोरिने सम्भावना रहेको उनले बताए । पूर्वएमालेबाट यज्ञराज सुनुवार, विशाल भट्टराई, प्रेम आले, गणेश ठगुन्ना, विरोध खतिवडा आदिको नाम चर्चामा छ । पूर्वमाओवादीबाट देवेन्द्र पौडेल, जनार्दन शर्मा, पम्फा भुसाल आदिको नाम चर्चामा छ ।
