नेपालमा थपिए १५३९ कोरोना संक्रमित

३१ भदौ, रौतहट । नेपालमा पछिल्लो २४ घण्टामा थप १ हजार ५ सय ३९ जनामा कोरोना भाइरस (कोभिड १९)का संक्रमण पुष्टि भएको छ ।

विगत २४ घण्टामा १० हजार ४ सय ९४ जनाको पीसीआर परिक्षण गर्दा १ हजार ५ सय ३९ जनाको कोरोना रिपोर्ट पाजेटिभ आएको स्वास्थ्य तथा मन्त्रालयका प्रवक्ता डा. जागेश्वर गौतमले बुधबारको नियमित प्रेस ब्रिफिङमा जनाएका हुन् । यससँगै देशभर कोरोना संक्रमितको संख्या ५८,३२७ पुगेको छ ।

यस्तै, बितेको २४ घण्टामा १ हजार ६८ जना संक्रमित निको भएर डिस्चार्ज भएका छन् । योसंगै हालसम्म संक्रमितमध्ये निको हुनेको कुल संख्या ४१,७०६ पुगेको छ ।

त्यस्तै आज देशभर सक्रिय संक्रमितको संख्या १६ हजार २ सय ४२ रहेको छ । जसमा संस्थागत आइसोलेशनमा ८ हजार ५४१ र होम आइसोलेशनमा ७ हजार ७०१ जना रहेका छन ।

त्यसैगरी कोरोना संक्रमणबाट मृत्यु हुनेको संख्या ३७९ पुगेको छ ।