बुधबार बिहानै ६ रेक्टरको भूकम्पको धक्का

३१ भदौ, रौतहट । आज बिहानै ६ रेक्टर स्केलको भूकम्प गएको छ । काठमाडौँ उपत्यकासहित विभिन्न जिल्लामा बुधबार बिहान ५ः१९बजे आएको भूकम्प महसुस गरिएको थियो ।

भूकम्प सिन्धुपाल्चोकको राम्चेलाई केन्द्रविन्दु बनाएर गएको राष्ट्रिय भूकम्प मापन केन्द्रले जनाएको छ । सिन्धुपाल्चोकका प्रहरी प्रमुख एसपी राजन अधिकारीले जिल्लामा हालसम्म कुनै क्षतिको विवरण नआएको बताए ।

आफ्नो संयन्त्रमार्फत जिल्लाका हरेक वडासँग सम्पर्क भइसकेको बताउँदै हालसम्म केन्द्रविन्दु रहेको जिल्लामा कुनै अप्रिय घटना नभएको अधिकारीले जनाए ।