दाङमा प्रहरी हवल्दारमाथि चक्कु प्रहार

२८ भदौ, रौतहट । दाङमा जिल्ला प्रहरी कार्यालय अगाडि एक महिलाले चक्कु प्रहार गरी एक प्रहरी हवल्दारलाई घाइते गरेको छ ।

४० वर्षीय प्रहरी हवल्दार खडक खत्रीमाथि चक्कु प्रहार भएको छ । खडक र जिप्रका अगाडि रहेको होटलका साहुनीबीच गएराति विवाद भएको थियो । विवादकै क्रममा होटल साहुनीले हवल्दारलाई चक्कु प्रहार गरेकी हुन ।

घाइते हवल्दारको राप्ती स्वास्थ्य विज्ञान प्रतिष्ठानमा उपचार भएको छ । चक्कु प्रहार गर्ने महिलालाई प्रहरीले नियन्त्रणमा लिएको छ । दुवै पक्षबीच भनाभन भई विवाद हुँदा ती महिलाले प्रहरीमाथि चक्कु प्रहार गरेकी अनुसन्धानबाट खुलेको जिल्ला प्रहरी कार्यालय दाङका एसपी गणेश चन्दले जानकारी दिए । हवल्दार होटलमा गएर बेला–बेला खाजा खाने गर्थे ।

पक्राउ परेका तीनै जनामाथि थप अनुसन्धान भइरहेको र कानुनी कारबाही हुने एसपी चन्दले बताए ।