खोलामा डुब्दा एक जनाको मृत्यु

२० भदौ, रौतहट । रौतहटको चादी नदीमा एक जनाको शव फेला परेको छ । गरुडा नगरपालिका २ का स्थानिय राम चन्द्र सहनीको ५५ वर्षीय छोरा जगदीश सहनीको शव आज बिहानचादी नदीमा भेटिएको हो ।

शुक्रबार देखि नै हराएको सहनीको शवलाई स्थानियले खोलामा देखेपछि प्रहरीलाई खबर गरेका थिए । सहनीको मानसिंक संतुलन ठिक नभएको कारणले डुबेर मृत्यु भएको हुनसक्ने स्थानियहरुको भनाइ छ ।

घटना स्थलमा इलाका प्रहरी गरुडाको टोली पुगेर शवलाई पोस्टमार्टमका लागि जिल्ला गौर अस्पतालमा पठाउने तयारी भइरहेको वडा अध्यक्ष बिशुनदेव सहनीले बताए ।