रौतहटमा कोरोना संक्रमितको संख्या १ हजार ६ सय २ पुग्यो

कल्याणी झा

१७ भदौ, रौतहट । रौतहटमा थप दुई जनामा कोरोना भाईरस (कोभिड १९)का संक्रमण पुष्टि भएको छ । यो संगै रौतहटमा कोरोना संक्रमितको कुल संख्या १ हजार ६ सय २ पुगेको छ ।

जिल्लामा २० हजार २ सय १८ जनाको स्वाब संकलन गरी पीसीआर परीक्षण गर्दा १ हजार ६ सय २ जनाको रिपोर्ट पोजेटिभ आएको छ । १७ हजार ४ सय ८३ जनाको रिपोर्ट नेगेटिभ आएको छ । यस्तै १ हजार १ सय ३३ जनाको कोरोना रिपोर्ट आउन अहिले बाँकी रहेको जिल्ला प्रशासन कार्यालय रौतहटले जनाएको छ ।

जिल्लामा अहिले ३२ महिला र ७७ पुरुष गरी १०९ संक्रिय संक्रमित रहेका छन् । आईसोलेसनबाट हालसम्म १ हजार ४ सय ८९ जना कोरोना जितेर डिस्चार्ज भएका छन भने कोरोनाका कारण रौतहटका पाँच संक्रमितको मृत्यु भईसकेको छ । त्यस्तै, १० महिला र ३२ पुरुष गरी जम्मा ४२ जना अहिले क्वारेन्टिनमा बसेका छन् ।