चट्याङ लागेर पर्सामा एक जनाको घटनास्थलमै मृत्यु

१५ असार, पर्सा । चट्याङ लागेर पर्सामा एक जनाको मृत्यु भएको छ ।

चट्याङ लागेर जिल्लाको सखुवा प्रसौनी गाउँपालिका वडा नम्बर १ औराहा रेन्जका ३२ वर्षीय हरिन्द्र दास थारुको मृत्यु भएको प्रहरीले जनाएको छ ।

खेतमा काम गरेकै बेला वर्षासहित परेको चट्याङ लागेर मंगलबार दिउँसो ३ बजेतिर थारुको मृत्यु भएको प्रहरीले जनाएको छ ।

उनको घटनास्थलमै मृत्यु भएको पर्साका प्रहरी प्रवक्ता प्रल्हाद कार्कीले जानकारी दिए ।