चट्याङ लागेर रुपन्देहीमा एक जनाको मृत्यु

१४ असार, रुपन्देही । चट्याङ लागेर सियारी गाउँपालिकामा एक जनाको मृत्यु भएको छ ।

रुपन्देहीको सियारी गाउँपालिका वडा नम्बर २ का ४५ वर्षीय रामनाथ बरईको चट्याङ लागेर मृत्यु भएको प्रहरीले जनाएको छ । खेतमा काम गर्ने बेला मा आज बिहान चट्याङ लागेर बरईको मृत्यु भएको जिल्ला प्रहरी प्रवक्ता नवरत्न पौडेलले जानकारी दिए ।

मृतकको शव पोष्टमार्टमका लागि भैरहवास्थित भीम अस्पतालमा लगिएको छ ।