आप थप २९ कोरोना पुष्टि

१२ असार, रौतहट । नेपालमा पछिल्लो २४ घण्टामा थप २९ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार विगत २४ घण्टामा १ हजार ७३० जनाको पीसीआर परीक्षण गरिएको छ भने ६ सय ५३ जनाको एन्टिजेन विधिबाट परीक्षण गर्दा जम्मा २९ जनामा संक्रमण पुष्टि भएको हो ।

यो अवधिमा थप १७ जना कोरोनामुक्त भएका छन् ।

हाल नेपालमा १ सय ९२ जना कोरोना संक्रमित उपचाररत रहेका छन् ।

कोरोना भाइरस (कोभिड १९)को संक्रमणका कारण पछिल्लो २४ घण्टामा कसैको मृत्यु नभएपनि ११ हजार भन्दा धेरै जनाले ज्यान गुमाइसकेका छन् ।