आज थप ४३ जनामा कोरोना पुष्टि, १८१ जना संक्रिय संक्रमित

१० असार, रौतहट । नेपालमा पछिल्लो २४ घण्टामा थप ४३ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार विगत २४ घण्टामा १ हजार ८ सय ५२ जनाको पीसीआर परीक्षण गर्दा जम्मा ३२ जनाको कोरोना रिपोर्ट पोजेटिभ आएको छ ।

यस्तै, यो अवधिमा १ हजार ७ सय ३ जनाको एन्टिजेन विधिबाट परीक्षण गर्दा जम्मा ११ जनामा एन्टिजेन संक्रमण पुष्टि भएको मन्त्रालयले जनाएको छ । योसंगै हालसम्म नेपालमा कोरोना संक्रमितको कुल संख्या ११ लाख १९ हजार ९०९ पुगेको छ ।

त्यसैगरी, विगत २४ घण्टामा थप १४ जना कोरोनामुक्त भएका छन् । यससहित हालसम्म देशभर कोरोना संक्रमणमुक्त हुनेहरुको कुल संख्या ९ लाख ६७ हजार ३५६जना पुगेको छ ।

हाल नेपालमा १८१ जना कोरोना संक्रमित उपचाररत रहेका छन् ।

कोरोना भाइरस (कोभिड १९)को संक्रमणका कारण पछिल्ले २४ घण्टामा कसैको मृत्यु नभएपनि हालसम्म नेपालमा ११ हजार ९ सय ५२ पुगेको स्वास्थ्य तथा जनसंख्या मनत्रालयले जनाएको छ ।