नाईट्राभेटसहित मकवानपुरबाट दुई जना पक्राउ

२९ जेठ, मकवानपुर । लागूऔषधसहित दुई जनालाई प्रहरीले हिरासतमा लिएको छ ।

नाईट्राभेटसहित पक्राउ पर्नेमा तनहु देबघाट गाउँपालिका वडा नम्बर ४ का २१ वर्षीय सरोज भुजेल र काभ्रेपलाञ्चोक धुलीखेल नगरपालिका वडा नम्बर ९ का २३ वर्षीय जंग बहादुर तामाङ रहेको प्रहरीले जनाएको छ ।

ईलाका प्रहरी कार्यालय भिमफेदी मकवानपुरबाट खटिएको टोलीले विरगञ्जबाट काठमाडौँ जादैँ गरेको ना १ ज ३५५३ नम्बरको यात्रुबाहक सुमोलाई चेकजाँच गर्ने क्रममा लुकाइछिपाई राखेको अवस्थामा नाईट्राभेट ५३८ ट्याबलेट बरामद गरेको थियो ।

शनिबार साँझ पक्राउ परेका उनीहरुमाथि यसबारे अनुसन्धान भइरहेको प्रहरीले जनाएको छ ।