करणी आरोपमा बर्दियाबाट एक वृद्ध पक्राउ

२८ जेठ, बर्दिया । आफ्नै भतिजीलाई बलात्कृत गरेको आरोपमा एक वृद्ध पक्राउ परेका छन् ।

बर्दियाको मधुवन नगरपालिकाकी २१ वर्षीया युवतीलाई उनकै ७४ वर्षीय ठुलो बाबु जबरजस्ती करणी गरेको प्रहरीले जनाएको छ ।

खेतबारीमा युवतीलाई बलात्कृत गरेको भन्दैँ पीडितका परिजनले आरोपीविरुद्ध प्रहरीमा उजुरी दिएपछि ईलाका प्रहरी कार्यालय ढोडेनीबाट खटिएको टोलीले निजलाई हिरासतमा लिएको छ ।

पक्राउ परेका उनीमाथि घटनाबारे अनुसन्धान भइरहेको बर्दियाका प्रहरी प्रमुख एसपी बिरेन्द्रबहादुर शाहीले जानकारी दिए ।

यस्तै, पीडित युवतीलाई माइती नेपाल गुलरियाको संरक्षणमा राखेर यससम्बन्धमा थप अनुसन्धान भइरहेको छ ।