बरहथवा नगरपालिकामा एमालेकी कल्पना निर्वाचित

९ जेठ, सर्लाही । बरहथवा नगरपालिकामा नगर प्रमुखको जिम्मा एमालेकी उम्मेदवार कल्पनाकुमारी कटुवालले पाएकी छन् ।

गत वैशाख ३० गते भएको स्थानीय तहबाट सर्लाहीको बरहथवा नगरपालिकामा एमालेकी उम्मेदवार कल्पना निर्वाचित भएकी छिन् ।

कटुवालले नेकपा माओवादी केन्द्रका उम्मेदवारसमेत रहेका निवर्तमान मेयर देवानन्द महतोलाई ५ हजार ६ सय ७ मतले पराजित गरेकी हुन् । कटुवालले १२ हजार २ सय ७३ मत ल्याउँदा महतोले ६ हजार ६ सय ६६ मत मात्र पाएका छन् ।

त्यसैगरी, उपप्रमुखमा एमालेकै रामबाबु प्रसाद साह विजयी भएका छन् । उनले ९ हजार ९ सय १ मत ल्याउँदा नेपाली कांग्रेसकी गंगा दहालले ७ हजार १ सय १९ मत ल्याएकी छिन् ।

माओवादी केन्द्रका उम्मेदवार तथा निवर्तमान उपप्रमुख सीतादेवी माझीले ६ हजार ३ सय १४ मत मात्र प्राप्त गरेकी हुन् ।